Æfing á laugardag

Æfingin á laugardaginn (27. feb) verður kl. 11:30

Endilega minnið foreldra ykkar á þessa fjáröflun. Ég var búinn að senda póst á foreldra ykkar.

Nú ætlum við í körfunni í Val að fara af stað með fjáröflun fyrir yngri flokkana.
Um er að ræða sölu á klósettpappír og eldhúsrúllum.

Eftirfarandi pakkar eru í boði:

Pakki 1: Wc pappír 200 blaða 48 rúllur c.a 24m Verð: 1.800 Verðtillaga út: 2700 – 3000
Pakki 2: WC MAXI 380 blaða 40 rúllur c.a 46m Verð: 2.800 Verðtillaga út: 3700 - 4000
Pakki 3: Lúxus WC 3ja laga 36 rl c.a 26,5m Verð: 2.800 Verðtillaga út: 3700 - 4000
Pakki 4: Eldhúsrúllur 24 rúllur í balla c.a 12m Verð: 1.800 Verðtillaga út: 2700 - 3000

Hverjum og einum er frjálst að kaupa eins mikið og hann/hún vill og þið getið verðlagt vöruna eins og ykkur sýnist best. Hver og einn hirðir svo allan ágóða af sinni sölu sem gæti þá nýst til að fjármagna næsta keppnisferðalag.

Allar pantanir þurfa að berast í seinasta lagi fyrir kl. 20:00 á sunnudagskvöld (28. febrúar) á mailið lydur06@ru.is
Takið fram nafn iðkanda, hvaða pakka þið viljið kaupa og magn. Eins og áður kom fram þá er ykkur frjálst að kaupa alla pakkana og í eins miklu magni og ykkur sýnist.
Upplýsingar um greiðsufyrirkomulag og afhendingu á vöru munu svo berast til ykkar á mánudaginn nk (1. mars).

Helgin

Engin æfing á laugardag vegna úrslitaleikjanna í bikarkeppni KKÍ.
Leikur Keflavíkur og Hauka í kvennaflokki hefst kl. 14:00 en leikur Snæfells og Grindavíkur í karlaflokki hefst kl. 16:00.

Á sunnudaginn verður æfingu seinkað til kl. 13:30 vegna handboltaleiks og verður æfingin í sal 1.

Á mánudaginn ætlar pabbi hans Emils að bjóða okkur út að borða á veitingastaðnum sínum Santa Maria sem er á Laugavegi 22a. Við skulum mæta þangað kl. 18:00. Við förum ekki í bíó að þessu sinni þar sem að engar áhugaverðar myndir eru í bíó núna svo við geymum það þangað til seinna.

Æfing á þriðjudag

Það verður engin æfing á þriðjudag. Ég þarf að nota æfinguna fyrir drengjaflokk sem á mikilvægan leik í vikunni og þið eigið skilið smá frí eftir mikið álag undanfarið. Næsta æfing er á miðvikudag.

Við verðum að fresta því að fara út að borða fram í næstu viku þar sem að ég og Toggi komumst ekkert í þessari viku. Held að við ættum að stefna á mánudag í næstu viku. I´ll keep you posted!

Leikir næstu helgi

10. flokks túrnering í Keflavík næstu helgi.
Ég er búinn að senda tölvupóst á alla foreldra um að keyra í leikina.

Leikirnir eru sem hér segir:

Laugardagur: (farið frá Valsheimili 09:30)
11:15 Valur-Breiðablik
13:45 Valur-Keflavík

Sunnudagur: (farið frá Valsheimili 08:15)
10:00 Valur-Breiðablik
12:30 Valur-Keflavík

Þeir sem eru farþegar í bíl borga 1.000 krónur í fargjald fyrir hvorn dag.

Í næstu viku stefnum við svo á að gera eitthvað saman. Pabbi hans Emils er búinn að bjóða okkur út að borða á veitingastaðnum sínum Santa Maria. Það væri svo gaman að geta farið í Bíó á eftir. Ef þið hafið einhverjar hugmyndir að mynd þá endilega komið þeim á framfæri.

Borgarnes

Allt klárt fyrir mótið um helgina.
Hér fyrir neðan eru upplýsingar um brottfarartíma frá Valsheimilinu, þá sem keyra. Þeir sem eru farþegar borga 1.500 krónur í ferðakostnað fyrir hvorn dag (alls 3.000 krónur).

Laugardagur:
Brottför frá Valsheimilinu kl. 09:45
Ellisif fer á bíl og tekur með sér tvo farþega, væntanlega Víði og Kristófer.
Sjálfur fer ég á bíl og tek með mér 4 farþega.
Sólrún fer á bíl og tekur 4 farþega (Daníel + 3)

Sunnudagur:Brottför frá Valsheimilinu kl. 09:00
Matthías (Guðjón + tveir til þrír farþegar)
Sigurlaug (Logi + tveir til þrír farþegar)
Ég (+ þrír farþegar)